Un otro final pa Kyra Hoevertsz durante e campeon mundial di landamento artistico na Fukuoka, Japon

Despues di e logra un clasificacion historico pa Aruba den e Solo Tech algun dia atras na Japon unda e ta logra un di 7 lugar di mundo, e landado artistico Kyra Hoevertsz ta sigui cu e bon racha ora e ta logra un otro final durante e campeonato mundial di landamento na Japon, esaki durante e competencia preliminar. Kyra a landa e biaha aki e Solo Free y ta logra clasifica como e number 11 pa e final cu un puntuacion di 153.2980. E mihor 12 landadonan ta sigui pa e final. Majan e landado Kyra Hoevertsz lo landa e final den e Solo Free. 

 

Mester remarka cu e prestacion di Kyra ta uno historico pa nos isla mirando cu nunca antes un landado artistico a yega asina leu durante un campeonato mundial. E anja 2023 ta un super anja pa Kyra te cu awor ya cu algun siman atras e la logra no menos cu 6 medaya pa Aruba den e Weganan Centro Americano y del Caribe 2023 na San Salvador, El Salvador. 

 

Pabien y hopi exito Kyra.