Rumannan Chadwick y Jiandido Tromp hunto cu nan team Trompicalstorm por ta super orguyoso pa loke nan a logra den tiki tempo. Apenas dos siman y mei atras e grupo a cuminsa traha riba e dos terenonan di baseball na Saliña Serca na Noord unda a hasi esakinan limpi como tambe rond di e area di e dos veldnan. Nan a hasi todo lo posibel pa un tres dia di torneo relaciona cu Dia di Betico. A welder, verf, chapi, hark y tur sorto di trabou duro pa e torneo por continua.
Wel, e comentario y elogionan tabata masha hopi mes di tur hende cu a pasa y admira di loke ta bay bira un hoya di proyecto. E apoyo di tur banda tabata visibel y por a mira cu e hendenan tabata haya falta di un torneo asina. Mas cu claro medionan di comunicacion tambe a yuda grandemente den propaganda esaki ya cu e ta un comienso di algo cu lo mester bira super grandi y beneficioso despues pa nos muchanan y Aruba.
E torneo di baseball tabata bon organisa, netjes on point y sin lubida e bon baseball desplega pa nos muchanan. Sigur un pabien na tur cu a participa na e bunita torneo aki.
E resultado semi-final a bay entre
CBN 13 – Hurricanes 2
RED MACHINE 10 – White Sharks 3
Final
Red Machine 8 – CBN 3
MVP & HR derby winner a bira Jose Fernandez D Leon
Nos tin varios imagen di e Clausura y entrega di medaya di parti Chadwick, Jiandido como tambe Maikito Croes y Junior Croes kendenan ta subrino y yiu di sr. Betico Croes den felis memoria. Na final Minister di Enseñansa y Deporte, sr. Endy Croes tambe tabata presente pa entrega di e premio final.
Un biaha mas pabien na Team Trompicalstorm