919
E fin di siman tabata grandi na Aruba Racquet Club unda tenistanan di Aruba y Corsow a hiba un bataya feroz riba e canchanan di ARC.
Mester bisa cu e weganan a bay hopi sera unda dado momento Aruba padilanti y despues Corsow ta comanda. Na final, Corsow ta gana e bataya contra di Aruba cu e score di 8 – 7.
Sr. Kenneth Ponson propetario di Aruba Racquet Club a hasi entrega di un bunita plakaat na Sr. Tony Soliana, team leader di team Curaçao. Esaki ta un aprecio pa un bunita intercambio, cu ta comienso di un relashon competitivo entre Aruba y Hermana Isla.
Mas cu claro e intercambio cu ta reforza e hermandad entre e tenistanan di Aruba y Corsow. Awor lo mester prepara pa e proximo actividad cu probablemente lo ta na Corsow.
