E gran torneo Copa Roy Croes lo cuminsa na Compleho Deportivo Yara. E torneo ta di diahuebs 24 di Augustus pa 27 Augustus . A organisa e torneo aki na honor di e fundado, presidente, trainer, coach y tata di nos presidente actual di S.V. Unistars. Señor Roy Croes ta hopi conoci den e bario di Pos Chiquito y vecindario . Un 35 aña pasa, el a funda S.V. Unistars pa asina tene e muchanan di bario for di caya. Su lema tabata tambe: “Un futbolista mas ta un delincuente menos”.
Desde e momento cu a funda S.V. Unistars di Pos Chiquito , e ekipo di futbol a conoce diferente categoria di edad manera mini Baby, Baby, LIFIDA A y , Menor, Mayor, Division 2 y awendia Division Prome. Den e 2 campeonato ultimo, Unistars a bira sub campeon den e prome division y bay Liga Honor Plata. Den e torneo di Copa Roy Croes ta participa en total di 15 club hunto cu Seleccion Di Aruba Damas. Por mira na e flyer. S.V.
Unistars kier gradici tur e sponsornan cu a hasi e torneo aki posibel: ARUBA BANK, The Shack Aruba, Povi-Tree, Asia Sranan Restaurant, La Quinta Resorts,AFAS SOFTWARE, DiviFoundation , Barbachi Barbers, Damir Carwash & Barber, Clear kayak Aruba, Pos Chiquito Rumshop, Botica di Servicio.
S.V. Unistars ta invita henter pueblo di Aruba y especialmente e bario di Pos Chiquito, Sabana Basora, Savaneta y San Nicolas pa atende e torneo aki pa asina brinda un homenahe na un Buluarte importante den e mundo di futbol na Aruba.
