Recientemente nos atleta elite di crossfit, Veronique Athens tabata ta na Bogota, Colombia unda e la competi den e Fitland Bogota. Durante 4 dia largo, Veronique y su dos companeronan di Medellin mester e ehecuta un total di 8 ehercicio contra di 14 otro trio cu tambe a participa.
Na final Veronique y su dos teammates a logra conkista un di dos lugar den e categoria team.
Veronique Athens ta un di Aruba su mihor atletanan den masters pa loke ta crossfit. Den pasado Veronique a triunfa den varios competencia local manera Fitville como tambe e Crossfit Open cu e la scirbi varios biaha riba su nomber. Pa loke ta su competencianan internacional aki tambe Veronique a sa na representa aruba su bandera dignamente tur parti mundo logrando algun biaha subi e podium.
Pabien Veronique.
