Awe diabierna merdia, nos seleccion nacional di landamento lo biaha pa e pais di El Salvador unda nos lo ta compitiendo na e campeonato CCCAN. Den e competencia aki Aruba lo ta midi forza contra 15 pais di e region Centro America y Caribe. Lo tin alrededor di 300 landado participando na e CCCAN 2023. Team Aruba lo ta biahando cu 10 atleta di diferente club cu a clasifica pa competencia di CCCAN. Federacion di landamento ta desea nos landadonan Noemie Erasmus, Eva Kock, Gideon Flanegien, Jaythan Winterdal, Luis Mario Arends, Jayrick Winterdal, Jaydon Croes, Arvid Farro, Inald Fernandez Perna y Chloë Farro tur clase di exito na e competencia. E seleccion lo ta bou guia di coach Tyrine de Kort mientras Charissa Kock- Croes lo ta e hefe di delegacion.
AAF kier gradici tur mayo, pa nan dedicacion. Un danki enorme na e coaches nan cu durante e ultimo lunanan a ayuda prepara cada atleta pa nan ta den e mihor forma posibel. Por ultimo kier gradici tur cu a colabora cu nos atletanan pa haci e viahe aki pa nos atletanan por competi na El Salvador.
E competencia di CCCAN lo ta e dianan 14 pa 19 di augustus
Hopi exito na nos landadonan cu semper a san a defende e bon number di Aruba su bandera den exterior.
