Sarah Quita liderando e PWA World Tour den overall standing den Wave despues di dos evento

by Seever Krozendijk
862 views
E aña aki Sarah Quita a dicidi di competi den e disciplinanan di Wave(Ola), Slalom y Freestyle. Cada disciplina ta consisti di un evento organisa na diferente lugar na mundo cu diferente condicion local tipico cu por ta 4 of 2 hasta un. Tur ta depende con largo e regatistanan competi na cada pais. Na final di e tour mundial di PWA  esun cu a gana mas evento den un cierto disciplina ta bira campeon mundial. 
 
Den e caso di nos orguyo Sarah Quita Offringa el a competi na Fiji y awor Gran Canaria unda consistentemente e la sa di sigura un di dos lugar cu pa awor aki ta pone cu e ta esun cu ta lidera e ranking mundial por lo pronto den Wave pasobra el a participa na dos evento y ta obtene e puntonan suficiente pa lidera e tabla di posicion. Notabel ta cu Sarah Quita ta e unico regatista tanto di homber como muher cu ta domina y a participa den tur tres disciplina y na un nivel respetabel. 
 
Banda di esey na Gran Canaria, Sarah Quita tabata e unico regatista tanto femenino como masculino cu a participa den 9 dia di competencia den dos disciplina y a percura pa tin un gara firme ariba e di dos posicion cu ta hasi cu e ta sub-campeon den Wave y Slalom na Gran Canaria. Es mas den slalom tin un diferencia di ekipo cu ta sea fin of foil. Sarah Quita a opta pa core cu fin enbez di un foil cu e ta domina tambe.
 
E proximo competencia pa Sarah Quita ta na Fuerteventura, Isla Canaria unda e tin dos disciplina cu ta Slalom y Freestyle unda atrobe e ta bai participa na dos disciplina aki ta unda posiblemente banda di dje por tin un of dos regatista cu lo hasi ambos disciplina.
 
Mester bisa aserca cu mentalmente, fisicamente y emocionalmente no ta nada facil pa Sarah Quita, e presion semper tey. Sarah-Quita kier reta su mes y di e manera ey lusi pa su patrosinadornan y Aruba.
 
Di aki banda nos kier a desea Sarah Quita tur clase di exito na Fuerteventura.

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs