Diasabra mainta Christiaan ta prome pa start na e Europe Triathlon Junior Cup Riga na Latvia. E temperatura di e awa tawata 19.4 y atletanan tawata mag di usa wetsuit Christiaan ta landa 750 m y ta sali basta bon di awa y ta core 22 km ariba bicicleta den peleton pa despues termina cu 4,85 km na pia. Christiaan ta termina cu un tempo di 1:02:54 y ta sali na di 40 lugar.
Rebecca ta e siguiente pa start e temperatura di awa tawata 20.2 y e uso di wetsuit no tawata permiti. Rebecca ta termina su careda den 1:16:06 y ta sali na 23 lugar.
Esaki sigur tawata un tremendo experiencia pa e rumannan Jansen algo full otro cu nan ta custumbra cu ne.
E parti bonita ta cu e embahador di Hulanda na Latvia a bin e careda pa apoya Rebecca y Christiaan esaki tabata algo cu atletanan a aprecia masha hopi mes.
Rebecca y Christiaan kier a gradici e coachnan di Aruba Triathlon Association tambe coach Ivan Manuel cu tambe a yuda prepara nan pa e careda aki. Rumannan Jansen kier a gradici coachnan di Aruba Dolphins y Train Hard Race Easy pa nan support y motivacion.
Un gradisimento grandi na Aruba Triathlon Association pa na bon trabou pa hiba e deporte di Triathlon padilanti.
Un danki grandi di curason na tur compania y personanan cu a yuda contribui pa Rebecca y Christiaan por representa Aruba internacionalmente. Sin e support aki esaki no tawata posibel.
