Diamars atardi na Madiki, e organisacion di futbol, Riverplate den presencia di invitadonan y partnernan a batisa nan uniform nan nobo di e divisionnan di infantil, hubenil, mayor y damas. Mester bisa cu e uniform di U5, esaki e mayornan mes a cumpra esaki pa e hungadornan. Pa loke ta e ekipo di U7 esaki a wordo patrosina pa Dal Pest Control di Sr Huberte Luciana mientras e U9 a wordo patrosina pa Casa Nostra di Kane y Dion Cornelio. Pa loke ta e uniform di U11 esaki a wordo patrosina pa Get Faded di e hungador di River esta the man himself, Battle Quandt. E ekipo di U13 a keda patrosina pa Green Solutions Aruba di Eldrid Korsen y Incoe Martinus. E ekipo hubenil di U15 a wordo patrosina pa P&B Welding & Construction di Sr Jhonata Barrero mientras e ekipo di U17 a wordo patrosina pa Mohamed di Ernst Mohamed. E ekipo di U20, aki e mayornan mes a dicidi di tuma e patrosinio bou nan encargo. Por ultimo nos tin e dos ekiponan femenino. Aki e Damas Youth a keda patrosina pa Trinity di Kimberly Hoo mientrs e ekipo di Damas Adulto a keda patrosina pa Traps di Andrew Croes. Tambe e ekipo di Divishon di Honor tin como patrosinador e compania Tropical Bottling.
Un palabra di pabien y exito na tur e divisionnan di e ekipo di Riverplate