Resultado di investigacion haci door di CBS pa loke ta trata e practica di deporte

Recientemente Centraal Bureau Statistiek Aruba a haci un research riba e cantidad di mucha y hobennan na Aruba cu ta practica deporte. E encuesta a ser haci den hende homber y hende muher den e edad di 4 pa 24 aña di edad.

 

Un di e prome preguntanan tabata ken ta prefera di practica deporte. Durante e encuesta a resalta cu den e edad di:

1. 4 – 9 aña, 26.2%(mucha homber) y 13.8%(mucha muher) ta prefera deporte

2. 10 – 14 aña, 39.0%(mucha homber) y 19.6%(mucha muher) ta prefera deporte

3. 15 – 17 aña, 45.7%(masculino) y 16.1%(femenino) ta prefera deporte. 

4. 18 – 24 aña, 35.1%(masculino) y 15.4%(femenino) ta prefera deporte. 

 

 

Aki nos por mira cu den e edad di 15 – 17 aña e percentahe di e hende homber(45.7)  ta mas halto cu e otronan mientras den e hende muher(19.6), e edad di 10 – 14 aña e percentahe ta resalta compara cu e otro edadnan. 

 

 

Pa loke ta e participacion den edad y sexo nos tin cu bisa cu 54.6% di e ser masculino compara cu e 35.2% di e ser femenino ta participa na deporte. Total esaki ta 44.9% di e hende homber y muher di nos comunidad ta practica movecion/deporte. 

 

Si nos trece esakinan tur na e edad di 4 – 24 aña e lo ta: 

1. 4 – 9 aña, 54.4%(mucha homber) y 43.6%(mucha muher) ta haci deporte. 

2. 10 – 14 aña, 60.8%(mucha homber) y 41.6%(mucha muher) ta haci deporte. 

3. 15 – 17 aña, 54.5%(homber) y 29.6%(muher) ta haci deporte. 

4. 18 – 24 aña, 46.7%(homber) y 19.1%(muher) ta haci deporte. 

 

E edad 10 – 14 aña mucha homber(60.8) y e edad 4 – 9 aña mucha muher(43.6) ta esnan cu mas ta practica movecion cq deporte na Aruba. 

 

E top 3 deportenan mas practica na Aruba dividi entre e hende homber y muher.

Pa e ser masculino:

1. Futbol(40.2%)

2. Landamento(20.2%)

3. Baseball(18.6%)

 

Pa e ser femenino:

1. Landamento(32.8%)

2. Ballet/Dansa(13.4%)

3. Futbol(13.3%)

 

E top 3 deportenan dividi entre e homber y muher cu lo desea pa hunga cq practica

Masculino:

1. Futbol(18.9%)

2. Baseball(10.6%)

3. Basketball(9.2%)

 

Femenino:

1. Landamento(13.2%)

2. Futbol(10%)

3. Gymnasia(7.3%)

 

E top 3 rasonnan pakico no ta participando na un of mas deporte.

1. No tin tempo(43.3%)

2. Problema cu trasportacion(19.2%)

3. No tin placa(18.9%)

 

Participacion/afiliacion na un club of organisacion deportivo. 

1. Masculino(9.4%)

2. Femenino(8.2%)

Un total di 29.9% ta forma parti di un organisacion cq club deportivo. 

Conclusion

A base di e cifranan por conclui cu mas di nos mucha y hobennan masculino ta praktika deporte compara cu e ser femenino. Mester stimula y motiva a ser fememino pa practica mas na movecion y/of deporte. Frapante di esaki ta si cu e ser femenino pa hopi aña ta dominando e circuito di deporte pa loke ta participacion y/of logronan pa Aruba na nivel internacional. Ehempel tin hopi sigur si nos mira e ultimo dos decadanan. 

Deportenan mas popular practica y desea bou di nos hoben y adolecente ta keda futbol, landamento y baseball. Solamente 30% ta afilia na un club of organisacion deportivo. E argumento pakico no ta participando na un deporte, nos tin cu bisa cu ta di lamenta e cuestion di ‘no tin tempo’ ta resalta aki. Nos ta kere cu practica deporte cq movecion mester forma parti di e bida diario di tur ser humano. Movecion y deporte ta forma parti di e circulo di bida(bida saludabel, menos stress, etc).