725
Despues di un par di siman di entrenamento ariba altitud na Bogota bou guia di coach Ivan Manuel Hernandez nos atletanan a sa di adapta na e situacion ambiental nobo y presion parcial di oxigeno. E atletanan a yega cada bez mas cerca di temponan di entrenamento na situacion di 0 mm.
E deporte di Triathlon ta un deporte di 4 disciplina natacion, ciclismo, coremento na pia y transicion. Pa loque ta natacion e atletanan tabata landa tin dia mainta y anochi den e piscina di Complejo Acuático Simón Bolívar, aki a ta entrena ariba mehoracion di tecnica y tambe a haci Interval training. Pa loke ta ciclismo Rebecca y Christiaan a subi e seronan yegando 3000 m ariba nivel di lama varios biaha pa siman. Pa cu e coremento na pia, e atletanan a core varios biaha den e cayanan di Bogota y tambe a haci High Intensity Running Sessions ariba Pista de Atletismo Parque Tunal. E rumannan Jansen tambe a entrena transition den parke di Bogota aki atleta ta core na pia y subi y baha for di su bicleta mas lihe cu ta posibel.
Un danki na Comite Olimpico Arubano pa haci e campo di entrenamento aki posibel. Danki na coach Ivan Manuel Hernandez cu a sa di guianan e ultimo simanan aki pa prepara nan pa Juegos Sur Americanos de Playa cu lo tuma lugar na Santa Martha. Danki na Head Coach Nicolas Robert cu a yuda asisti e atletanan pa asina e entrenamentonan por a bay mas miho cu ta posibel.
Awe diabierna e atletanan lo biaha pa Santa Martha pa aclimatiza bek na e temperaturanan halto pa diaranzon nan lo ta participando den e careda di Triathlon.