AVB ta anuncia e reanudacion di tur wega di futbol despues di acuerdonan exitoso cu nos referee dedica. E acuerdonan aki ta cubri dos aspecto importante pa bienestar di e deporte.
Prome cu tur cos, referee ta compromete pa fluit wega wega mientras nos ta traha cu seriedad riba implementashon di medida di seguridad mehora. E dedicacion conhunto ta pa mantene integridad y siguridad di e deporte.
Di dos, AVB, referee, y clubnan ta uni pa establese un comision, cu ta consisti di tres representante di cada un. E comision aki lo reuni regularmente pa aborda y traha riba resolve e materianan na man. Nos lo manda un invitashon oficial na prensa pa un conferensia uni cu tur tres parti despues di e prome reunion di e comision, caminda nos lo duna mas detaye relashona cu nos progreso.
Mientras tanto, AVB ta pidi encaresidamente na tur persona cu ta atende wega, den cualkier rol cu ta, pa respeta e prinsipionan fundamental di deportivismo, respet y disciplina.
Nos meta por ultimo ta pa crea un ambiente caminda futbol por prospera, y tin colaboracion mirando cu tin un meta comun. Nos ta aprecia sosten di prensa mientras nos ta cuminsa riba e proceso aki pa hasi futbol mas sigur y mas mihor pa tur hende.
Nos ta termina cu un saludo deportivo,
Arubaanse Voetbal Bond