1.4K
Diahuebs anochi a tuma lugar na e club di Aruba Jrs e bautiso di e uniform di e teamnan hubenil di basketball pa e campeonato benidero 2023 – 2024. Presente nos por a mira e patrosinadornan, mayornan, hungadornan y demas miembronan di club.
Pa e proximo campeonato Aruba Jrs lo tin 5 ekipo den e diferente categorianan. Mini di 9 – 12 aña, den pasarela 13 – 14 anto cu dos ekipo patrosina pa Land Sea and Air Jets y D22 Pirates.
Den division cadet 15 – 16 aña lo tin e ekipo di Motorworld Rockets y den junioren nan lo representa Quick Electrical Marlins.
Directiva di Aruba Jrs un biaha mas kier a gradici tur e 4 patrosinadornan pa nan cooperacion yudando e hobennan cu ta praktika nan deporte faborito esta Basketball.
