Un prome dia fructifero pa loke ta e clinica di futbol di SV Dakota pa tur nan futbolistanan den diferente edad. E alegria riba e cara di e muchanan tabata bisto y esey caba a bisa tur cos riba e importancia di e clinica aki pa e hungadornan afilia na Dakota. Un tremendo iniciativa sin duda specialmente awor cu ta e temporada di vacacion escolar. Manera cu Dakota mes a anuncian cu e meta di e clinica aki ta pa yuda fortifica y desaroya e talento di cada hungador den miho technica, dominio y inteligencia di wega.
Bunita pa mira esnan cu tin hopi aña den e mundo di futbol yuda guia e hobennan aki manera un Jonathan y Gregory Lake hunto cu Didi Dirksz y claro henter e staf di coachnan presente.
Un pabien na e organisacion di Dakota cu e bunita iniciativa pa nan muchanan di bario.
