Aruba tin su prome grandmaster 8 Dan den Tang Soo Do

Recientemente Sr. Melvin Rasmijn a wordo reconoci pa e Association International di Tang Soo Do Bi Sang Kwan pa su di 8 Dan. Sr. Melvin Rasmijn tin un trayectoria basta largo den disciplinanan di arte marcial. Un persona cu conocimento amplio y profundo di entre otro historia, cultura, tradicion di arte marcial di Korea y Hapon. Un curriculo amplio y recien tambe reconoci door di un otro instituto di arte macial Koreano pa su di 8 Dan. Na Aruba Sr. Rasmijn ta forma parti di e commission tecnico di examen pa ARTBO. Sr. Melvin Rasmijn semper a participa cu actividad organisa pa Aruba Tang Soo Do Bond y tin un relacion marcial pa casi dos decada cu e organisacion y Aruba Hapkido Association. Henter e proceso aki di re-evaluacion a tuma su tempo rekeri pero a lo largo a logra. Gradiciendo Grandmaster Pedro Vangas, presidente di International Bi Sang Kwan Tang Soo Do Association, un persona cu vision cu a yuda hopi pa haci esaki posibel.

Melvin ta forma parti di ‘Aruba Bi Sang Kwan Tang Soo Do Group’ cu ta practica e Tang Soo Do tradicional Moo Duk Kwan aki na Aruba. Den orden di rango ta sigui Sr. Richard Vrolijk 4 Dan, Srta. Tamara Erasmus 4 Dan, Sr. Jermaine Lampe 3 Dan, Srta. Sophie Vrolijk 2 Dan. Srta. Arvice Dijkhoff 1 Dan. Tambe nos ta reconoce Sr. Sherwin Wester 3 Dan di Fighting Eagle Academy cu ta cu e oraganisacion di Mi Guk Kwan Tang Soo Do Association.

Nos tin un netwerk cu organisacionnan grandi di Tang Soo Do manera entre otro World Tang Soo Do General Federation Korea bou guia di Grandmaster Koe Woong Choung, Mi Guk Kwan di grandmaster Charles Ferraro, World Tang Soo Do Family di Grandmaster Robert Salm, Grandmaster Ferraro y Senior Master Khumar, European Moo Duk Kwan Tang Soo Do Bond, Nederlandse Moo Duk Kwan Bond Grandmaster Rob Salm, World Korea Taekwondo Moo Duk Kwan Associacion. Traditional Global Tang Soo Do Association Grandmaster Klaus Trogemann.

Aruba Bi Sang Kwan Tang Soo Do Group ta felicita Grandmaster Melvin Rasmijn pa cu e logro grandi aki. Tang Soo!