759
For di diaranson anochi caba por a premira cu e galardon deportivo Premio Excelencia den Deporte 2022 lo bira uno grandi y exitoso. E anochi a inicia cu un recorido riba red carpet unda cada nominado y nan mayornan como tambe invitado y mandatarionan presente por a tuma un momento pa un potret como recuerdo. E aña aki tabata tin un record na nominado esaki danki na e 29 federacion nan deportivo cu a balora nan mihor atleta y coachnan. Tambe Gobierno di Aruba a reconoce 10 baluarte cu trajectoria largo den nan tempo como atleta y/of dirigente. Na banda di tur esaki, e reconoce e asina yama OLY cu ta ex-atletanan cu a representa Aruba den e Weganan Olimpico desde Status Aparts 1986. Un total di 6 di e 49 a ricibi e bunita reconocimento.
Un bunita anochi cu hopi reconocimento y premio cual ta e balor mas grandi pa cualkier atleta y dirigente. Mas cu claro por a mira hopi emocion riba cada cara di e atletanan, miembronan di directiva, mayornan y coachnan, cada bez cu a anuncia un nominado y despues e ganador.
Pa loke ta e highlightnan di Premio Excelencia den Deporte 2022 nos tin cu bisa cu e Seleccion Girsl U15 a bira e Ekipo di Aña, Kamilah Dammers a bira Atleta Femenino Aña y Mikel Schreuders a bira Atleta Masculino di Aña.
Un pabien na Minister Endy Croes, Comision PED 2022, Comision di Hurado y tur cu a yuda na e magnifico evento pa nos deporte di Aruba
