Sarah Quita Offringa: “Mi ta aprecia e apoyo di e comunidad di Aruba masha hopi mes, e ta dunabo gana di sigui presta”.

by Jessica Krozendijk
819 views
Nos a sostene un entrevista cu e regatista y orguyo Arubano, Sarah Quita Offringa cu a termina cu e circuito mundial di windsurfing PWA World Tour, unda e la obtene dos titulo mundial, e di 22 en total. 
 
Sarah Quita a resumi pa nos con su aña a bay unda e la gana un bes mas un otro titulo mundial den Freestyle y algun siman atras den Ola(Wave). Tambe e la gana un competencia di Slalom y a sali den un otro na di dos lugar. Slalom e no a pone mucho atencion pero asina mes e ta contento mirando cu den tur tres disciplina, Sarah Quita a sa na domina den 2023. Esaki ta su meta tambe pa cada bes ta bon den loke e ta haci. Pa cu esaki Sarah Quita ta masha agradeci cu e comunidad di Aruba cu tur biaha ta dune e apoyo y sosten maximo den loke e ta haci. Su motivacion ta crece cada biaha ya cu e ta aprecia e apoyo di Aruba na su persona. 
 
Na banda di su competencia den PWA, Sarah Quita tin un schedule hopi druk unda e ta biaha hunto cu Oda Johanna pa duna diferente camping di windsurf rond mundo. Esaki un forma di comparti y duna bek na tur cu ta interesa pa praktika e deporte aki. Awor mes ta preparando dos camping na Brazil y Sur Africa. 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs