Diadomingo, 5 november di 2023 ‘The Ultimate Challenge’ lo tin su ‘Ladies Run & Walk Event’ di 6K cu lo start y finish na Andina Ice den Italiestraat pa 6:00 di mainta.
‘The Ultimate Challenge’ kier recorda tur persona/team cu a cumpli cu e registracion debido, cu por pasa busca nan bib number y Drifit Cap na SUBWAY na Palm Beach, Noord ariba diasabra, 4 november entre 1:00 cu 2:30 p.m.
Pa loke ta algun regla prome y durante e careda, cada coredor lo mester posiciona den e zone di color cu ta coresponde cu nan Pace. E color di e Pace lo parece ariba e bib number. E start di e event, ta lo siguiente. Ta start cu e 6K Run, sigui pa e 6K Power Walk pa despues e 6K Fun Walk. Participantenan pa e contest di ‘Power Walk’ lo ricibi un ‘Briefing’ encuanto e reglanan pa e ‘Head Judge’ . Riba ruta lo tin judges cu lo haci uso di e ‘Red Card’. Si un ‘Power Walker’ no cumpli cu e regla di cana, e lo ricibi un ‘Red Card’. E ‘Red Card’ por ser duna un biaha so na un ‘Power Walker’. Si e ‘Power Walker’ ricibi tres ‘Red Card’ di tres diferente Judge, esaki lo nifica cu e lo ser discualifica. Lo tin un ‘Head judge’ cu lo ta encarga cu e parti akinan. Si un ‘Power Walker’ no cumpli cu e regla di cana den e ultimo 100 m pa e finish e lo ser discualifica di biaha !
Aki e clubnan cu lo forma parti di e evento aki como team. Viperstrong, 2F4U, G2BA, Eagles 297 Runners, TR4L, Sportsz4U, Jays Runners, Alpha Runners Aruba, Trill Walkers, Muscles & Lungs, Get Fit Team y Fit Together Lifestyle. Si e por ta algo pa bo, por registra como team of individual na my.raceresult.com/231852
The Ultimate Challenge kier dedica e evento aki specialmente na e damanan. Djis trece bo beach chair, pa asina nos pasa un rato ameno cu otro.
Pa cualkier pregunta por tuma contacto cu Jorella Croes na 5676260
Sponsornan cu ta haci evento aki posibel ta Andina Ice y Subway.