Den fin di siman Taekwondo Team Aruba su team di TK5 a participa den e
Worldwide Martial Arts Open na Orlando, Florida.
Master Yoshmar Wever y Master Clifford Rasmijn a coach e team di TK5 di Aruba
contra di Merca.
Den e prome rond tur 5 atleta a bringa 1 minuut contra nan contrincante di Merca.
Aruba a termina e prome rond cu un score di 43-35. E di dos rond tabata di
3 minuut unda cu por a cambia atleta y Aruba a avansa mas y a termina e segundo
rond cu un score di 68-45.
Den e tercer y ultimo rond cu tambe tabata di 3 minuut Aruba a avansa hopi mas y a logra surpasa e pointcab di 30 punto y Aruba a gana Merca cu un score di 76-45.
Antwuan Wilson organisado di e evento a felicita Master Clifford Rasmijn y Master Yoshmar Wever cu nan victoria.
