1.5K
Algun rato pasa, e conocido motivador y inspiradpr Maickel Melamed a yega Aruba. Den e VIP Room di Aruba Airport e comision organisador hunto cu algun invitado, nos para-atletanan y prensa a ricibi Maickel Melamed.
Diasabra awor 24 di juni pa 12or di merdia, Maickel Melamed lo duna un charla motivante yena cu inspiracion na 400 persona den I-MAX na Gloria.
E charla lo carga e nomber: El reto más extremo de nuestras vidas,
“RÁPEL SALTÓ ÁNGEL” 1000 metros.
E charla ta completamente GRATIS.
Ken ta Maickel Melamed?
Michael Melamed ta un coredor riba distancia largo di Venezuela, un motivador, un consehero financiero, docente filosofia y fisiotherapia. No obstante su deficiencia di curpa debi na un tono muscular abou, asina mes Maickel Melamed a sa na termina cu exito e New York City Marathon, Berlin Marathon, Chicago Marathon y e Boston Marathon. Na banda di core Marathon, Melamed a subi e top di sero mas halto di Venezuela esta Pico Bolivar.
Abo tin e oportunidad di bin scucha un storia unico, motivador y inspirador di un hende cu hamas a stop di kere den su mes y a mustra cu tur hende por bay e extre miya si abo kier den bida aki.
Pa esnan interesa ainda por inscirbi. Corda ta 400 cupo so tini. Mester registra na e link di inscripcion:
