Maickel Melamed presente na e entrenamento di Casiene y Disjonrick

E mundialmente conoci motivador y inspirador Maickel Melamed di Venezuela ta na Aruba unda diasabra awor e lo ta orador na I-Max na Gloria. Maickel lo duna un charla na 400 persona cu e topico El reto más extremo de nuestras vidas,. “RÁPEL SALTÓ  ÁNGEL”  1000 metros.

 

Diahuebs atardi, Maickel Melamed a bishita Beyond Sporta Limit Foundation kendenan tabata entrenando pa e Aruba International Triathlon. Aki Maickel a combersa cu Casiene Tromp, Disjonrick Jacobs y nan trainers Brainer Lampe y Gerald Moreta. Claro cu e combersacion tabata uno pa extra motivacion pa Casiene y Disjonrick cu diadomingo awor lo participa den e triathlon internacional na Aruba. Ambos lo participa pa prome biaha den un competencia di triathlon. Maickel Melamed su mes ta un maratonista y a participa na 5 di e 6 major marathon nan na mundo. Su ultimo esun di Boston Marathon 8 aña pasa, e la yega despues di 20 ora. Manera Maickel a splica nada no ta imposibel den e bida aki. Tur cos ta den bo man y ta abo mester kier.