Meet the Press cu nos bolicheronan elite cu a presta den gran forma na Caracas, Venezuela

by Seever Krozendijk
509 views
Awe nos di 297sports hunto cu coleganan di Diario y Tele Aruba tabata na Eagle Bowling unda nos a haya e oportunidad di combersa cu nos atletanan femenino di bowling cu recientemente a haci un tremendo papel durante e campeonato Sur Americano di bowling cu a tuma lugar a Caracas, Venezuela. Sigur un atardi ameno pa nos miembronan di prensa deportivo encontra cu nos atletanan elite di bowling. Sin duda un great iniciativa di e gerencia di Eagle Bowling. 
Durante nos entrevistanan cu tanto coach Chris Dammers y bolicheronan Kamilah Dammers, Thashaina Seraus, Abigail Dammers y Joalisha Oduber por a sinti cu e bowling di Aruba semper a presta den gran forma den tur campeonato atendi desde 2010 unda Aruba a logra nan prome triunfo den grupo. Desde e tempo ey, e deporte di bowling a gana masha hopi respect den e continente America, unda sin duda nos bolicheronan sigur femenino ta wordo considera como un di e mihornan den nos region y continente. Pero claro esaki ta un danki na nan propio esfuerzo, di nan famia, coachnan y sin lubida di COA, SSA, Eagle Bowling y tur esnan envolvi directamente of indirectamente cu e deporte. 
E prestacion recientemente na Caracas, Venezuela unda Aruba a sobresali den e cantidad di medayanan conkista tabata un muestra cu e deporte di bowling ta sigui crece y ta mihor so e lo por bira, aunke cada bes e esfuerso ta bira un tiki mas grandi.
 
Por mira e live interviewnan cu nos bolicheronan riba e pagina di facebook di 297sports

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs