Bolichera Kamilah Dammers ta logra su di dos medaya di Brons, e biaha aki den e All Event

Kamilah Dammers a logra su di dos medaya den e weganan di CONSUBOWL, Sur Americano Elite cu ta tumando lugar na  Armenia, Colombia. Den e All Event, Kamilah ta keda na di tres lugar despues di 24 wega hunga. Su ruman Abigail Dammers ta termina na un di 6 lugar overall den 24 wega. Mester bisa cu Kamilah a tira pa un promedio di 206.8 mientras cu Abigail a tira pa un promedio di 193.7

 

Awe diamars lo hunga e final di 8 individual unda tanto Kamilah como Abigail lo hunga contra di e mihornan di Venezuela y Colombia. 

 

Na e Weganan Odesur di bowling 2022 na Paraguay, Kamilah y Abigail a logra medaya di Oro den doubles mientras Kamilah a logra un medaya di Oro mas den e parti individual. Dos dia atras, Kamilah y Abigail a logra Brons na Armenia. 

 

Un palabra di pabien y exito na nos duo elite Kamilah y Abigail Dammers