385
Diabierna merdia a inicia e competencia individual pa e bolicheronan Kamilah y Abigail Dammers na e Weganan Panamericano Santiago 2023. Mester bisa cu e competencia ta riba 16 wega den su totalidad. Riba diabierna a hunga e prome 8 weganan mientras cu mañan diasabra lo hunga e restante di e otro 8 weganan cu falta.
Pa Kamilah e prome dia a bay super bon mientras pa Abigail esaki no a bay manera ser spera. Den e prome 4 weganan Kamilah a tira un promedio rond di 180 e prome tres weganan mientras e di 4 wega, e ta sera cu un wega di 247 pin cual a pone bula riba e tablero di 14 lugar pa di 6 lugar. Di otro banda Abigail a tira hopi varia, tabata falta e consistencia cu 2 wega rond di 160 pin mientras wega 3 e ta tira riba 200 pin pa di 4 drop atrobe. Halfway Abi tabata na di 18 lugar.
Den e di dos parti, Kamilah ta habri monstroso tirando un wega 5 cu 241 pin mientras Abigail no por a haya su drive ainda unda e ta tira 157 pin. Despues den wega number 6 Kamilah ta tira pa 237 pin cual ta pone na un di prome lugar. Aki den wega 6, Abi ta tira pa sublime cu 207 pin. Faltando dos wega pa e prome dia termina, Kamilah y Abigail ta sigui den e lucha pa caba e dia den bon forma. Kamilah ta tira 210 pin den wega 7 y 224 pin den wega 8 finalisando e prome dia na di 1 riba e tablero cu un total pins 1706, cu Sa dra Gongoria cu 1674. Di otro banda Abigail ta tira 201 pin den wega 7 y 151 pin den wega 8 pa finalisa e dia na di 18 lugar riba e tablero general.
Mañan diasabra mainta pa 8or, Kamilah y Abigail Dammers lo cuminsa e ultimo 8 weganan di 16 pa asina mira si nan lo ta entre e 4 mihor bolicheronan di e continente America cu lo bay bataya pa medayanan di Oro, Plata y Brons e diadomingo mainta na Santiago.
