Mas cu 900 persona a acudi na e ‘early bird’ special di e METAFIT WALK AND RUN 2024 na Gloria

by Seever Krozendijk
605 views
Den un solo palabra: CANDELA!
Awe diaranson mainta e organisacion encarga cu e MetaFit walk and run 2024 a tene e popular ‘early bird’ special unda e fiel amantenan di canamento y coremento por a registra y paga mesora na un prijs special di 30 florin. Wel mester bisa cu e comunidad deportivo a baha masal na Gloria unda alrededor di 900 hende a registra y haci nan pago mesora pa asina sigura nan spot, e diadomingo 30 di juni 2024.  Mester bisa cu e personanam cu a registra awe a ricibi nan Bib personalisa, dri-fit shirt, pechi, y hip bag!
MetaFit lo bin grandi e aña aki unda nan lo kier yega alrededor di 2500 participante. Mirande e dia di awe no tin duda cu e MetaFit 2024 lo yega e cantidad aki faltando cinco luna y mei prome cu e fecha di dia 30 di juni. 
E MetaFit walk and run ta existi for di aña 2010, aunke cu esaki a para pa tres aña, debi na e pandemia. E MetaFit walk and run semper tabata conta cu alrededor di 1500 participante unda aña pasa na 2023 a kibra tur record, alcansando 1700 participante. Pues den 2024 lo kier logra e cantidad di 2500 participante. Aña pasa e MetaFit walk and run a cuminsa y caba na Gloria pa prome biaha. 
 
Keda pendiente pa e siguiente eventonan relaciona cu e MetaFit Walk and Run 2024. Sigui nan page riba @Metafit 
#297sports

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs