1.4K
Riba iniciativa di e propio Deaxo Croes, nos di 297sports tabata presente awemainta trempan pa asina cubri e entrenamento di e legendario landado Arubano. Despues di e complementa su hazaña aña pasa unda e la landa di Boneiro pa Corsow como prome persona den historia cu e realisa esaki, Deaxo no a para keto y a pensa riba un proyecto nobo.
Den un deliberacion hunto cu su team, Deaxo a mira e posibilidad pa landa for di Corsow bini Aruba den un recorido sigur historico. Esaki sin duda lo exigi un preparacion mucho mas riguroso ya cu e distancia ta uno di alrededor di 80 kilometer cual ta 30 mas hopi di e tempo cu Deaxo a landa di Boneiro pa Corsow y 50 kilometer mas e tempo cu Deaxo a landa di Venezuela pa Aruba.
Ta ser calcula cu sigur e lo dura 24 ora pues 1 dia pa landa esaki. Mas cu claro esaki no ta nada facil y tur e planificacion aki lo ta den e aña 2025 kizas den luna di April.
Ta increibel awemainta sinti e positivismo y motivacion di henter e team tras di henter e bunita proyecto aki. Tur presente ta simplemente biba cu e momento for di awor caba.
Pa loke ta Deaxo mes, e ta calmo, dicidi y full confident den su mes for di awor caba.
Ruman danki pa e oportunidad aki. Hopi exito y no tin duda cu bo lo scirbi historia un bes mas