1.1K
Awe diaranson a sali pa Fukuoka, Japon e dos landadonan elite di Aruba esta Chloe Farro y Braynsly Dirksz. Ambos lo ta compitiendo den e mundial di landamento World Aquatics 2023. Hunto cu nan a biaha tambe sr. Randy Arends kende ta presidente di Aruba Aquatics Federation cu lo atende e congreso di World Aquatics. Esaki ta un congreso cu e presidente di e federacion di landamento di cada pais mester atende.
Na Fukuoka, e landadonan Farro y Dirksz lo uni cu Mikel Schreuders y Elisabeth Timmer hunto cu coach asistente nacional Tyrine de Kort cu ya caba ta na Japon und a companja landando Britta Schwengle den Openwater.
Di anki banda nos kier a desea nos delegacion di landamento tur clase di exito na e campeonato mundial.