Landado Mikel Schreuders a conoce un tremendo aña 2023 cu un clasifcacion Olimpico

by Seever Krozendijk
887 views
E landado elite di Aruba, Mikel Schreuders a conoce un tremendo aña den su deporte. Mikel tabata tin varios bon competencia tanto cu su club Marseille na Francia como tambe cu e seleccion di landamento di Aruba mes. 
 
Den e campeonato Frances cu a tuma lugar na juni 2023 na Rennes, Francia, Mikel ta logra 2 medaya di Brons den e 50 y 100 free. Tambe e ta logra 1 medaya di Plata den e 50 breast y un 9 lugar den e 50 fly. Esaki Mikel ta logra cu su ekipo Marseille. 
 
Den e mesun luna durante e CAC Games na San Salvador, El Salvador, Mikel ta logra 
1 medaya di Oro den e 50 breast y 3 medaya di Plata den e 100 free, 50 fly, 50 free, tur esaki cu e seleccion di landamento di Aruba.
 
Durante e campeonato mundial di landamento di World Aquatics na Fukuoka, Japon, Mikel ta logra den e 50 free un di 17 lugar, den e 50 breast un di 18 lugar, den e 100 free e ta logra un di 22 lugar y den e 50 fly un di 27 lugar overall. 
 
Den luna di oktober, Mikel a competi cu Aruba den e Panam Games na Santiago, Chile. Su logronan tabata den e 100 fly un di 19 lugar overall, den e 100 free un di 10 lugar y den e 50 free un di 9 lugar. 
 
Por ultimo, Mikel Schreuders ta haci historia pa Aruba den e US Open na Greensboro, NC. Aki Mikel ta logra un medaya di Brons den e 50m free y un clasificacion directo cu un tempo A pa e Weganan Olympico Paris 2024. Den e 100 free, Mikel a logra un 25 lugar overall. 
 
Pabien Mikel. 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs