E fin di siman aki lo tuma lugar competencia Internacional “Inter” na Curaçao organisa pa ASPAFIKO. Di Aruba lo tin 1 Jinete y 6 Amazona participando den e evento aki. Den categoria di Amazonas 9-11 aña lo tin dos participante di Aruba cual ta Zaria de Groot y Emilie Lomans, den Jinete 12-14 lo tin Zachary Coffie, categoria di Amazonas 15-17 aña Aruba ta wordo representa pa Xielle Koolman, Amazonas 18-20 ta conta cu participacion di Carolina de Cuba y den Amazonas Mayor di 25 aña lo tin Jenilee de Cuba participando.
Esaki tambe lo ta e ultimo competencia Internacional prome cu e Campeonato Mundial cual lo tuma lugar na juli na Puerto Rico. Tambe mester menciona cu Aruba tin 3 cabay cu a bay pa representa Aruba den e competencia aki. E cabaynan a biaha dialuna anochi riba e barco Don Andres, y a baha na Curaçao diamars mainta. E cabaynan participando ta Oasis de los Sauces, modalidad Trocha, di Criadero Hermanos Bruin, y dos cabay di modalidad Paso Fino cual ta Suavidad de la Siberia di Criadero W, y Secreto de Magico di Famia de Cuba.
Nos ta manda desea tur participante y montador hopi exito.
