Organisacion Caballista ta anuncia e segundo feria pa e aña 2024, Feria Nacional cual lo tuma lugar na Villa Floralina na Moko. E feria lo tin dos dia di competencia, ariba diasabra lo tin competencia di cabaynan di Paseo, Trote y Galope, Trocha y Paso Fino. Diadomingo lo tin competencia pa muchanan cu categoria di principiante como tambe categoria regular. Pa e competencia aki ta premira participacion di mas cabay diasabra como tambe mas jinete y amazon diadomingo.
Entrada lo ta gratis pa publico y tambe lo tin un bar y cushina pa tur por disfruta. E competencia aki lo ta e ultimo prome cu e seleccion di Aruba bay participa na e Mundial di Jinete & Amazona na Puerto Rico den luna di juli. E juez pa e competencia aki lo ta Dr. Henry Beltran di Colombia, ken tambe lo fungi como un di e jueznan na e Mundial na Puerto Rico.
