Organisacion Caballista Arubano ta den preparacion pa e prome feria internacional pa e aña aki. Tin un cantidad di riba 20 cabay di Corsou cu a haci test di sanger pa por bin Aruba pa e competencia aki cu ta carga e nomber Gran Clasico Internacional.
Hunto cu e gran cantidad di cabay aki tambe ta spera un delegacion numeroso di Jinete & Amazona di Corsou pa enfrenta esunan di Aruba den competencia. Lo tin 3 dia di competencia, caminda lo inicia diabierna 31 di januari cu algun categorianan sigui despues pa un Welcome Party.
Diasabra ta sigi tur e otro categorianan clasico di cabay . Diadomingo lo tin competencia di Jinetes & Amazonas den categoria Principiante y Regular.
Publico ta mas cu bonbini pa bin presencia e interesante competencia aki.
