For di 17 pa 21 augustus 2023 a tuma lugar e campeonato Sur-Centroamericano y del Caribe Master di hisamento di peso den e districto di San Borja, Lima, Peru.
Pa Aruba a participa e atleta Dianie Croes den categoría di 87kg y grupo di edad 35 pa 39 aña, Edsel Vos den categotia di 102kg grupo di edad 50 pa 54 y Hugo Themen den categoría di 81kg grupo di edad 65 pa 69 aññ y como coach a bai Ulrich Hoek.
Pais cu a participa den e campeonato Sur-Centroamericano y del Caribe Master tabata Aruba, Brasil, Chile, Colombia, Costa Rica, Ecuador, Guatemala, El Salvador y Peru
Prome atleta cu a subi plataforma internacional ta Hugo Themen cu tabata tin 8 atleta den e grupo 65 pa 69 aña ta logra den su hisadanan den snatch 57kg, clean & jerk 70kg pa un total di 127kg ta logra gana medaya di Oro pa Aruba.
Otro atleta cu a sigi ta Edsel Vos cu tabata tin 8 atleta den grupo di edad 50 pa 54 aña ta logra den su hisadanan den snatch 73kg, clean & jerk 95kg pa un total di 168kg. Cu e hisada aki Edsel ta logra gana medaya di Oro pa país Aruba.
Ultimo atleta cu nos ta wak den acción ta e atleta femenino Dianie Croes cu tabata tin 7 atleta den grupo di edad 35 pa 39 aña. Diania ta logra den snach 65kg, clean & jerk 77kg pa un total di 142kg. Cu e total aki Dianie ta gana medalla di Oro pa Aruba.
Aruba Amateur Weightlifting Association ta manda palabra di felicitación y pabien na e tres atletanan cu a gana nan medalla di Oro pa país Aruba cu ta Dianie Croes, Edsel Vos y Hugo Themen y bon trabow di e coach Ulrich Hoek na e Campeonato Sur-Centroamericano y del Cariba Master 2023 na San Borja, Lima, Peru. Tambe ta manda palabra di gradicimento na Lotto pa Deporte cu a hasie e biahe posibel.
