Awemainta nos di 297sports como e unico media tabata presente na aeropuerto pa asina ricibi nos dobbel medayista di Plata den e Carifta Games 2024, Wyndel Beyde. Mester bisa cu famia, amigonan di coremento, e directiva di Aruba Athletic Federation y Minister di Ensenansa y Deporte, sr. Endy Croes a bini aeropuerto pa asina duna Wyndel e caluroso bini bek na su isla. Cu blaas mas regalo a ricibi nos Champ, Wyndel Beyde.
Siman pasa e hoben atleta Wyndel Beyde tabata tin Aruba den su gara ora e la core e 1500 meter y 3000 meter den e campeonato di Carifta cu a tuma lugar na Grenada. Wyndel a logra den tur dos careda gana un medaya di Plata cual medayanan tabata historico pa Aruba. Tabata despues di 16 anja pasa cu Aruba ta logra un medaya atrobe den un campeonato di Caribe esta Carifta.
Nos mester lubida cu Caribe ta fuerte den atletismo unda principalmente pais nan manera entre otro Jamaica, Barbados, Bahamas, Guadelope, Martinique, USVI, Grenada y Bermuda ta fuerte mes cu coredornan di taya.
Un pabien na Wyndel Beyde pa su logronan cu e mes a traha hopoi duro pe. Y Mas cu claro na su mayornan, coachnan y tur cu apoye y sostene den e bunita trajecto aki.
Nos a entrevista tanto Wyndel y su kerida mama Anecy riba e prestacion na Grenada, kiko e ta significa, e conseho na tur otro atleta y mayornan cu tambe kier pa nan yui(nan) presta bon den deporte.
