509
E dianan 20 di oktober pa 5 november lo tuma lugar e di 19 edicion di e Weganan Panamericano Santiago 2023. Awe diasabra, e hefe di mision encarga cu e delegacion di Aruba, sr. Jonathan Wever a biaha pa e ciudad di Santiago unda mayoria di e eventonan deportivo lo ta tumando lugar. Den su funcion como hefe di mision, Wever lo percura pa e delegacion di Aruba tin tur lo nesecario na nan disposicion. Esaki ta Jonathan su prome salida como hefe di mision di un delegacion deportivo bou Comite Olimpico Arubano, COA .
E Weganan Panamericano ta e evento deportivo mas grandi di e continente America cu lo conta cu un participacion di 8000 atleta di 41 pais lo bataya den 39 deporte.
Un palabra di exito na sr. Jonathan Wever.