590
E Goitia Tennis Performance Cup 2023 cu ta andando na Aruba Racquet Club ta bayendo den gran forma. E GTP Cup 2023 ta parti di e ITF WORLD TOUR unda e mihor tenistanan hubenil rond mundo ta forma parti di esaki. Siman pasa, e tenista Arubano, Gijs Fidler a logra yega te e final di e torneo TIHTA pero no a logra triunfa cu un prome lugar. E siman aki, Gijs por a bons bek y demostra cu e lo por bataya contra e mihor tenistanan hubenil rond mundo. Sinembargo awe diaranson Gijs a hunga e kwart final contra di William Secord di Merca unda den un wega hopi emocionante y sera, Gijs ta cay venci den tres set cu e score 4 – 6, 6 – 4 y 5 – 7. Mester bisa cu Gijs a sinti su schouder ya den e prome set caba unda e la wordo atendi y asina mes a sigui lucha e siguiente dos setnan . Es mas dado momento e la bira su enkel cual a haci e cosnan un tiki mas pio.
All by all Gijs por ta orguyoso di su participacion durante dos siman intensivo di tennis di nivel halto.
Masha pabien Gijs Fidler
