Tennis Aruba ta hopi entusiasma pa anuncia e proximo “Setar Ranking Tournament,” programa pa tuma luga entrante 22 te cu 24 di September na Aruba Racquet Club.
E torneo, cu orguyo ta conta cu patrocinio di Setar, tin como meta pa brinda un plataforma pa entusiastanan hoben di tenis pa continua nan trayecto competitivo i test nan habilidad contra otro hungador den un emocionante torneo di ranking organisa pa tenis Aruba.
E Setar Ranking Tournament lo presenta diferente categoria di edad, incluyendo Orange Ball, U10, U12, U14, i U18, ofreciendo un oportunidad amplio pa hungadornan di tenis hoben pa mustra nan talento i determinacion riba cancha y alavez na e publico como fanatico di e deporte.
“Nos meta principal cu e Setar Ranking Tournament, manera cu tur otro di nos torneonan di ranking, ta pa crea un cultura di excelencia competitivo entre nos hungadornan di tenis hoben. E evento aki no solamente ta stimula competencia saludabel, sino tambe ta sostene crecemento i desaroyo di talentonan hoben na Aruba,” a bisa Franz Sydow, Presidente di Tennis Aruba.
Tennis Aruba ta expresa su gratitud enorme na Setar pa nan generoso patrocinio i sosten constante den promoshon di tenis i crea oportunidad pa talento hoben den comunidad. Nan compromiso ta demostra nan dedicacion na cresemento di deporte na Aruba.
Pa mas informacion tocante e Setar Ranking Tournament, bishita e pagina di Facebook of Instagram di Tennis Aruba @tennis.aruba.
