Esaki tabata un anochi pa honra e atleta nan y celebra tur cu nan a logra den e anja anterior.
Giants a otorga premio den e siguiente categorianan na e siguiente ganadornan:
– Rookies of the Year
Xylan Anthony, Izalea Kock, y Wolf Massez a drenta e team y e deporte den 2022 y a sa di saka resultado impresionante den tiki tempo!
– Relay Rockstars
Giants semper por a conta cu Noemie Erasmus y Tristan Niebles Diaz lo landra fuerte den e relays y duna nan tur pa e team events!
– Most Improved Events
Den un aña tempo, Deepesh Lalwani a logra baha su tempo cu 35% den e 50m butterfly y Abigail Kock a logra baha su tempo cu 30% den e 50m freestyle!
– Overall Most Improved
Den un aña tempo, Javen Odor y Jaydeeh Krozendijk a logra baha nan tempo nan den tur evento cu mas cu 15%!
– Race of the Year
Iyona Kock y Inald Fernandes Perna a sa di landra e careda nan cu a trece cune hopi emocion y a pone e publiek na pia!
– Pursuit of Excellence
Kami Lacle y Gideon Flanegien a mustra tur e characteristicas di locual ta hasi un tremendo persona y atleta: dedicacion na e deporte, motivacion den training, compassion pa nan compañeros, tin meta nan grandi, y ta Stand Tall!
– Swimmer of the Year
Gabriella Hermans y Neymar Rasmijn a sa di destaca na tur parti di e deporte pa logra e gran título aki! Gabriella a sali consistentemente den e top di su categoria den 3 diferente slag mientras Neymar a keda Campeon Absoluto di Aruba den su categoria!
Tambe, e Directiva di Giants Aquatics a tuma e oportunidad pa gradici tur nan sponsors y colaborador nan cu ta yuda e team progresa bay dilanti. Giants ta orguyoso di por conta riba Subway Aruba y Setar N.V. pa nan apoyo como sponsor. Tambe, Giants ta conta riba e partnerships di Educampus, Adonsito Croes (MC), Maychell Carrera (Massage Therapist), y Jeff Feliciana (Psycholoog) pa forma parti di e Giants Extended Family.
Giants Aquatics ker a gradici un y tur, sponsor, mayor, voluntario cu a yuda hasi e anochi aki uno exitoso y yena cu ambiente pa e mucha nan.