Aruba Taekwondo Bond (ARTBO) ta contento di anuncia exito rotundo di reciente Topethon di Tiger Taekwondo, organisa pa Tiger Taekwondo Academy riba diasabra 9 di maart 2024.
E evento unico aki, enfocando riba colaboracion mas cu competencia, a reuni atletanan di cuatro scol di renombre: Tiger Taekwondo Academy, Impact Taekwondo, Estrella Taekwondo Center, y Chaco Taekwondo Academy.
Topethon a brinda un plataforma pa atletanan principiante gana experiencia valioso den taekwondo jirugi (combate) door di bringamento suave y combate amistoso. ARTBO ta satisfecho cu participacion di scolnan di taekwondo menciona anteriormente y interaccion positivo entre atletanan hoben.
Felicitacion na e organisadornan pa un evento bon maneha! Nos ta warda cu entusiasmo pa mira mas oportunidadnan di training colaborativo asina den futuro.
