Diadomingo atardi na Pos Chikito Ballpark tabata tin e inicio di e gran final di Little League su Interliga pa e categoria Major, cu ta nos peloteronan di 11-12 anja. Den un dushi ambiente cu tribuna yen y musica di apoyo, e publico a gosa di un tremendo partido cu ta caba den 7 innging entre North League y Liga Central na fabor di North League cu e score di 5-4.
Pa North League, Rowdy Croes ta pitcha 3 inning y un tercio, permitiendo 5 hit, 0 careda limpi y a propina 6 ponche. Rowdy ta haya relevo di Kevin Erasmus. Lebron Ras y Nicolas Lee.
Liga Central a habri cu e pitcher Nishant Toledo cu a bay 2 inning y dos tercio permitiendo 2 hit, 3 careda limpi y 4 ponche. Santiago Rodrigues y Keon Croes tabata e relevonan di Nishant cu ta tira 8 ponche hunto
E miho bateadonan pa North League ta:
Kevin Erasmus: 2-1, a anota 1 careda y a empuha 1 careda
Rowdy Croes: 1-1, a anota 1 careda y a empuha 1 careda
Akon Giel: 2-1
E miho bateadonan pa Liga Central ta:
Jaden Flanegin 1-1, a anota 1 careda y a empuha 1 careda
Nick Kock 2-2, a empuha 1 careda
Norberto Maduro 1-1, incluyendo 1 doblete
Keon Croes 2-1
Aydan Rodrigues 2-1, 1 careda anota
Bin presencia bunita baseball y alabes apoya nos pelotero hobennan den un dushi ambiente!
