Copa Europa y Copa America lo topa otro y MAGIC 96.5 FM lo trece pa’bo na un forma unico. E aña aki lo conta cu e aliansa y coolaboracion di Tele Aruba tambe.
E aña aki e dos copanan mas grandi tanto di Europa y America lo tuma lugar den e mesun temporada.
Cada cuater aña E mihornan di Europa ta topa otro y e biaha aki ta na Alemania.
Paisnan manera ALEMANIA – FRANCIA – SPANJA – HULANDA – ITALIA – INGLATERA –
PORTUGAL E.O. COPA EUROPA 2024 TA RIBA 14 DI JUNI PA 14 JULI.
Alaves e aña aki tambe lo tuma lugar e famoso COPA AMERICA 2024 casi den e mesun temporada, pues nos tey combina esaki hunto.
Paisnan manera BRASIL – ARGENTINA – VENEZUELA – URUGUAY- MEXICO- MERCA- COLOMBIA– PERU – COSTA RICA y otronan lo enfrenta otro. FECHA ta 20 DI JUNI PA 15 DI JULI
Pues esaki lo ta Back 2 Back, scogiendo e mihor partidonan, pa cubri pa nos oyente y audiencia en general y lo scoge e weganan mas popular. Eurocup lo ta parti den dia, mientras Copa
America lo ta mas anochi.
Narrador, comentarista y analistanan CADOCHI KOCK – DEVIN DE VEER Y ARIANNE WESTERBURGER LO TEY UN BIAHA MAS.
Magic 96.5 FM tin su team di comentaristanan capasita y cu amplio experencia den e tereno di futbol cu lo duna tur e detayenan di e hungadornan y tambe e stadisticanan di e weganan,
combina cu e historia di Copa Mundial kende ta e.o. Sr Cadochi Kock y e biaha aki introduciendo caranan no desconoci den e mundo di Futbol, esta Arianne Westerburger y Devin De Veer, ambos conoci como lidernan femenino den e mundo di futbol infantil y hubenil.
Cadochi Kock
Conocido presentado cu ta cumpli mas cu 40 aña den transmission y naracion di weganan di futbol. Despues di a presenta deporte pa hopi aña na Television, a transmiti na Radio y tin un
carrera impresionante den deporte, e aña aki un biaha mas ta bay comparti su experiencia y
conocimento di e mundo di futbol den e weganan di tanto Copa Europa y Copa America 2024.
Cadochi ketobay ta mantene sum es den condicion door di ta constantemente den movecion cu futbol, ta hunga golf y ademas ta keda activo cu cana tur dia. Famoso pa canta su goalnan y nara wega den su estilo unico.
Devin De Veer
Tin 30 aña di edad y a nace aki na Aruba. Ela cuminsa di chikito den landamento sincronisa desde su 9 aña di edad y cu 13 aña tawata forma parti di e team nacional di Aruba y a representa nos isla na Republica dominicana, Korsou y Puerto Rico entre otro. Devin a biba dos
aña na hermana isla Korsou y aya a coach Club di Synchro aya tambe. Devin a hunga Volleyball pa seis aña largo. Devin a obtene su licencia pa Coach official di Futbol, a coach RCA, Aruba
Soccer Academy y Sports for Toddlers. Actualmente ta fungi como miembro directiva di AVB. Su conocimento y amor pa e deporte rey ta stimule pa yuda esnan mas chikito pa crece den e
deporte grandi aki.
Arianne Westerburger
Ta mama di dos cu un amor y pasion pa e deporte futbol. Naci y biba na Aruba den e bario di
Companashi. Arianne a lanta ta hasi ballet y baila den grupo di baile y canta den coro (De
Trupialen) Ela cuminsa haci e deporte rey cu e edad di 12 aña pa su team RCA y a sigui hasi e
deporte aki te na un edad mas adulto. El a hunga seleccion di Aruba contra entre otro Korsou,
Boneiro, Colombia y USA (college team) Aparte di su trabao, Arianne a subi escenario pa prome
biaha cu su 15 aña na Korsou cu e orquesta OREO. El a forma parti tambe di Zeta Band,
Orquesta Delicious y awo despues di algun aña den background, ta forma parti di e banda
SUONA. E amor pa futbol ta algo cu el a lanta cune biniendo for di un famia futbolistico diariamente. A yega di hunga pa Riverplate y SV Dakota y ta gradicido na e team y coaches. Na aña 2018 a wordu aserca pa bai bek RCA na unda a hunga pa mas of menos 2 aña. For di Dec 2021 y como leidster di divishon U20 e.o.
