1.3K
Diadomingo atardi, Runners unite a organisa un otro evento organized Marathon “run the talk”. E biaha aki como invitado tabata tin un di e prome ekiponan di marathon na Aruba esta Run for your Heart funda pa cardiologo Dr. Johnny Cheng.
Dilanti di varios coleganan cu ta core Dr. Johnny Cheng a duna su testimonio como coredor pero tambe como landador y claro di e ekipo cu e la funda “Run for Your Heart Aruba” (RFYH) cu hopi caminda a bay hunto pa core eventonan marathon rond mundo.
Manera Dr. Cheng a conta cu e iniciativa aki a cuminsa mirando su pasion pa e deporte di coremento, e compromiso cu ta trece cune y sin lubida su salud, principalmente e curason. Cu esaki tambe Dr. Cheng kier a concientisa tur hende riba e importancia di movecion, pasa bon y haci amistad atrabez di coremento cual ta e punto cardinal.
No obstante cu a diagnostica leve e malesa Parkinson na Dr. Cheng, su determinacion pa sigui propaganda y concientisa riba e importancia pa tin un curason saludabel atrabez di coremento no a para. Esaki ta conta pa e propio Dr. Cheng cu a sigui praktika su deporte.
Dr. Cheng su testimonio riba su ultimo marathon cori den luna di februari 2023 na Miami a ser grandemente aplaudi pa tur su coleganan cu ta core hunto cune.
Un gradicimento na Dr. Cheng pa su testimonio inspirativo. Sin duda hopi cu ta praktika e deporte di coremento por siña y disfruta di loke e deporte aki ta trece pa nan, ambos aspecto ta bay pareu.
Por ultimo nos di 297sports tambe tabata presente y nos kier a bisa esaki: Corda cu no tin nada mas bunita pa comparti bo storia, bo entrenamento, bo alimento cu otronan ora bo ta praktica coremento. E aventura y bunita experencianan di entrenamento te cu e careda mes lo keda biba den curason di cada uno. Cada testimonio ta crea un motivacion pa otronan eyfor cu un dia tambe lo kier cuminsa core. Mas nos tur core pa sano nos lo tin un Aruba pa nos tur.
Nos di 297sports kier a yama un danki na Runners Unite pa e invitacion na un otro Run the Talk interesante. Un pabien na henter e team di Run for your Heart, specialmente Dr. Cheng pa su testimonio inspirativo.
