Double Down Sports Bar and Grill a reconoce pelotero profesional Chadwick Tromp

by Seever Krozendijk
334 views
Diabierna atardi den Double Down Sports Bar and Grill na Eagle Resort tabata uno masha special mirando cu e sports bar and grill kier e honra un pelotero local. Representante di Double Down, sra. Janith Agunbero a conta cu pa nan esaki ta un momento bunita y grandi mirando cu nan lo honra un profesional local cu un potret den cuadra firma den nan establecimento. Double Down ta kere fielmente na duna bek na nos comunidad y asina nan lo kier reconoce tur nos atletanan destaca den nan ramo di deporte cu un wall of fame. 
 
Pelotero Chadwick Tromp a bisa cu e ta sinti’e masha honra mes di forma parti di e bunita proyecto y iniciativa di Double Down. Chadwick ta contento cu negoshinan manera Double Down ta kere den nos atletanan. Reconocimentonan asina ta un motivacion pa nan como atleta sigui traha duro, tin hopi wowo riba nos y semper nos lo fungi como un role model, un ehempel pa tur hende na Aruba y den exterior. 
 
Na e ocasion, Chadwick a firma e potret cu e bunita palabranan “Thank you for allowing me to be part of the Family”. Chadwick mes a surprise Double Down cu un bate di baseball original cu su signatura y nomber riba dje como regalo. 
 
Por ultimo, Janith y Chadwick a colga e potret na muraya unda nos bishitantenan por aprecia esaki. Hasta turistanan awe a reconoce e pelotero local Chadwick Tromp unda a probecha di saca un potret cu su persona. Presente nos por a mira Chadwick su yiu Zayne y ruman Jiandido y amigo y big leager Narcisco Crook. Mas cu claro Double Down tambe tabata bon representa pa nan trahadornan. 

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs