Diadomingo 21 di April proximo, nos dushi isla di Aruba lo ta bon representa den e TCS London Marathon, un di e 6 “World Major Marathons” na Mundo. E anja aki Aruba lo wordo representa pa Ana Mujica, Jeanette Croes, Joacquin van Trigt, Shariska Winterdaal, Lili Mejia, Edeline Weller, Filomena Paesch, Esther Colina, Carla Fingal y Ricky Refunjol. Tur coredor a hiba lunanan largo di preparacion y awor nan ta cla pa laga e nomber di nos dushi isla briya durante henter e trajectoria di e careda cu lo pasa banda di e icononan di e ciudad di London manera Tower of London, Big Ben y Buckingham Palace. Despues di un bon preparacion tras di lomba e coredornan por bisa cu nan ta “ready to go”.
Nos di 297sports kier a desea henter e delegacion pa e TCS London Marathon tur clase di exito.
