976
Un hoben den rolstoel pero cu un curason grandisimo y gana di explora e mundo deportivo cu awor a bay te hasta asina extremo. Su pasion pa e deporte di landa, core bicicleta y core na pia a bira asina grandi aunke e mes no tin kizas e participacion “activo” den esaki. Pero su spirito y e forma pa convence otronan ta adictorio paso manera semper e mes a bisa: ‘Mi kier mustra mundo henter cu apesar dimi deficiencia, tur cos mi lo por experiencia manera cualkier otro cu si ta biba un bida normal’. Den Brainer y Gerald, Disjonrick a haya dos buddy cu lo ta willing pa bay cune unda e ta desea. Ta varios “guerra” caba nan a bay hunto y….cu exito.
Awe diaranson, Disjon a subi avion paso e sa cu e reto mas grandi lo bira e weekend aki ora cu hunto cu Brainer nan lo ta den e 140.6 MIYA(226.3 KM) di e Ironman di Maryland, Merca. Un actividad deportivo extremo cu lo dura 13 pa 14 ora. Hunto Disjonrick, Brainer lo mester landa, core bais y core na pia henter e trajectoria aki.
Un recorido nada facil pero nan a entrena lunanan largo y cu perseverancia, fe y determinacion nan lo logra un hecho historico.
Nos di 297sports kier a desea Disjonrick, Brainer, Gerald, Kathleen y tur hende cu a yuda den e projecto aki tur clase di exito. Cu Nos Bon Creador Guia y Ilumina boso caminda henter e weekend cu ta bini aki na Merca.
Let’s go get them boys.
