E Campeonato di Aruba Little League (ALL) pa e categoria nan
di minor, major, junior y senior ta tras di lomba. Y nos mas chikito nan di teeball y
coach pitch tin dos weekend ainda di wega pa culmina.
ANLL kier manda un palabra di pabien na tur team cu a hasi nan maximo esfuerzo
pa representa nan liga den e temporada tras di lomba. E All Star cu a conkista
Campeon den categorianan Senior (15/16): Rayshaun Werlemen, Rayvon Loopstok,
Xavier Croes, Ava Lee, Riangelo Richardson, Joseph Portes, Taryone Punselie,
Abel Arias, Quiran Croes, Joshuel Portes, Milan Petrocchi, Vince Ramada, Lyndon
Martin, Mayronn Ras, Dijeandrik Wernet, Evan Gei, coach Shakir Arends, coach
Baldrick Maduro y manager Pierre Richardson. y Junior (13/14): Sicnarf Kelly,
Seanriq Westerburger, Ashwar Sprok, Taiking Lee, Randall Guerrero, Quin Tromp,
Taikeng Lee, Xylon Starke, Jonathan Urbina, Daniel Perez, John Soriano, Jefferson
Rojer, Javen Maduro, Juan Manuel Garcia, coach Boss Kock, coach Jason Orman y
manager Tai Foo Lee. Den categoria di Major (11/12) y Minor (9/10) a cai cortico
den final. Ta desea tur team cu ta bai representa Aruba den exterior hopi exito!
E experiencia nan aki lo no tawata posibel sin coachnan cu ta dedica na e deporte.
Hopi biaha nos no ta para keto y aprecia e tempo y esfuerzo cu no solamente e
hungadornan mes ta hinca den nan deporte, pero tambe locual cu e coachnan ta
dedica na train nan team y forma hungadornan.
ANLL a pidi tur team den liga pa nomina coachnan y splica pakiko lo kier bisa danki
na nan. Mester a splica con e coach aki tawatin un impacto positivo pa e muchanan
riba veld y pafo di veld. Pensando ariba desaroyo, liderazgo, etc. Por a usa texto /
ehempel / palabranan di e hungadornan, di mayornan y di e organisacionan mes.
Cada nominacion a wordo publica hunto cu un potret riba FB / IG di ANLL cu e
chens pa gana premionan pa disfruta un rato pafo di veld.
Nominacion a sera dia 9 di juni 11:59pm cu un total di 20 nominacion pa e
coachnan: Franco Kock, Julio Croes, Shawn Thijsen, Baldrick Maduro, Johnatan
Grijt, Eldrick Dijkhoff, Jeromin Kelly, Omar Lambert, Alvaro Maduro, Jason Orman,
Tai Foo Lee, Shakir Arends, Leo Geerman, Revelino Maduro, Giovanni Rafael,
Esneider Tunon, Francis Kelly, Giovanni Leocadia, Rudley Filiciana, Ricardo
Jimenez. Ta invita pueblo pa Like & Share riba e page di ANLL, votacion ta sigui te
cu diabierna 16 di juni, 2023. E ganadornan (mas likes, shares, views, etc.) lo ricibi
nan premionan diadomingo 18 di juni, 2023 na Veld di Juventud Tanki Leendert
durante e weganan di playoffs. Premionan ta inclui entre otro, gift certificates, gift
baskets, breakfast, lunch or dinner for two, y mas.
Aruba North Little League y su miembronan, Blue Marlins Baseball Organization
(Tanki Leendert), CBN Eagles (Noord) y Hammersharks Baseball Organization
(Calbas) ta invita mayornan pa inscribi nan yuinan di edad 4+ cu ainda no ta
practicando e deporte di baseball y laga nan cuminsa train. E programa di Little
League tin como lema: caracter, curashi y lealtad y ta ofrece un cantidad grandi di
experiencianan unico y benefisioso pa nos muchanan y nos comunidad. Cuminsa
informa awe mes di teamnan den bo bario y trese e yui, nieto/a, subrino/a y bisiña
pa hasi su promesa.
