Conoce e coredornan di Aruba pa e TCS London Marathon

by Seever Krozendijk
537 views

Ana Mujica

Ana Mujica ya caba tin 5 marathon cori bou di nan e Mayors Chicago,
New York y Berlijn. Na banda di e tresnan ey, Ana a core tambe e Rotterdam y esun di Miami. Esun di London lo bira Ana su di 4 Major Marathon. Ana su meta ta pa core tur e 6 Major marathon nan na Mundo y asina obtene su “Six Abbott Star”. Ana gusta core paso cada bes e ta descubri algo nobo di su mes y esaki e no ta haya ora e core otro distancia cu no ta un marathon.

Jeanette Croes

Jeanette Croes su experencia a cuminsa na cero como atleta y poco poco e la desaroya su mes den un coredor riba distancia largo manera su participacion den e famoso Ronde van Aruba. London lo bira Jeanette su di cuater marathon. Pa jeantte esaki ta un prueba di determinacion, resistencia y amor pa e deporte cu ta exigi hopi. Pone metanan, surpasa tur obstaculonan, y pusha abo mes cada bes na e maximo ora e oportunidad presenta. E comunidad di coremento na Aruba y e sosten cu esaki ta duna uno ta dificil pa describe: CAMPEON. Jeanette ta gradici tur hende cu ta sostene y guia su persona den e proceso aki.

Dr. Joacquin van Trigt

Dr. Joacquin van Trigt ta un ferviente coredor riba distancia largo cu 4 marathon scirbi riba su number di cual dos ta Major marathons. E la core Chicago (2013), Parijs (2015), Napa Valley (2016) y New York (2019). Dr. van Trigt su meta ta pa core tur e 6 Majors Marathon nan na Mundo y keda disfruta di e coremento riba distancia largo na Aruba y tambe den exterior. Londen lo bira Dr. van Trigt su di 5 marathon.

HOPI EXITO NA ANA, JEANETTE Y JOACQUIN

Related Articles

297 Sports is a sport news website based in Aruba – 297 is the country code. We cover all domestic – and international sport news where Arubans are involved. 297 Sports is the leading provider of sport news in Aruba. It is run by Seever Krozendijk. Contact us for news coverage or for advertising on our website.

EMAIL
info@297sportsaruba.com

©2022. 297 Sports Aruba. All Rights Reserved. Designed and Developed by FM Web Designs