MetaFit ta orguyoso di dedica Bib #1 di e MetaFit Walk & Run di e aña aki na Sr. Alfonso “Coise” Koolman komo reconocemento di su vision, dedicacion y contribucion na e crecemento di e evento.
Den añanan atrás, MetaCorp a organisa eventonan deportivo pa su empleadonan bou di e nomber “MetaCorp 5 kamp” cu despues a expande “6 kamp”. Na 2006, tabatin visión pa sigui expande pa “7 kamp”, introduciendo caminata den e programa, un cambio cu Coise a influencia fuertemente. Huntu cu Ramsey Halabi y Richard Giel, el a hunga un rol clave den organisa un programa di canamento di tres siman cu tabata tuma luga tres biaha pa siman. E programa aki a guia participantenan for di rutanan pa principiante y di distancia largo y dificil na final di e programa.
Coise su pacion pa promove salud, movecion y actividadnan fisico a pone e fundeshi pa loke MetaFit a bira awe. El a sirbi ATCO Aruba pa 41 aña, consistentemente siendo un presencia confiabel , sea den organisa of participa den eventonan di caminata.
Pa medio di e reconocemento aki, MetaFit ta honra Coise su compromiso y impacto duradero na e organizacion di MetaFit.
