Durante dos dia largo, e pelotero profesional di baseball Chadwick Tromp hunto cu su colega y expertonan den baseball a duna clinica di baseball na nos hobennan cu ta practica e deporte aki. Setar NV cu ta partner di Chadwick den esaki a percura pa tur hoben pelotero y coachnan ta bisti cu nan shirt y pechi di Setar NV pa asina por atende e e clinica aki.
Diasabra nos tabata presente na Joe Laveist Ball park na San Nicolaas unda nos a presencia e clinica cu e gosa di un interes inmenso. Hopi bunita pa mira nos propio peloteronan local, e mayoria bibando y hungando baseball den exterior aporta na e desaroyo di nos muchanan. E guia tabata uno admirabel unda e muchanan ta keda coregi tanto den bateo y fildeo y mas cu claro haya un bunita palabra di elogio ora esaki ta cana bon.
Otro siman diasabra y diadomingo lo tin e dos ultimo dianan di clinica di baseball Trompical Storm
