Britta Schwengle lo landa e 5km y 10km Openwater den e Mundial di landamento na Fukuoka, Japon

Pa e landado, Britta Schwengle e mundial di landamento na Fukuoka, Japon a cuminsa awe diabierna(na Japon ya diasabra). E landado Schwengle su specialidad ta openwater(lama) y riba un distancia largo. Britta su prome evento lo ta e 10km pa dos despues e landa su di dos evento cual lo ta un 5km. 

 

Recientemente Britta a representa Aruba den e Weganan CAC na El Salvador unda e la competi den e 5km y 10km. Notabel ta cu Britta a clasifica pa e 10km Openwater pa loke ta e Weganan Panamericano na Santiago de Chile den luna di oktober, mirando su bon presentacion na El Salvador. 

 

Di aki banda nos kier a desea Britta tur clase di exito den e campeonato mundial na Fukuoka, Japon.