Atletanan di medio distancia Yeshua Dabian i Wyndel Beyde a mira accion ayera nochi riba e distancia di 3000m i atleta Milan Pimienta di corto distancia a mira accion riba e 400m.
Akinan nos atletanan di medio distancia a domina e careda.
Yeshua ta marca un tempo di 9.41.26 mientras Wyndel ta marca un tempo di 9.44.49.
I asina logra e medalla di Oro den nan categoria.
Mientras Milan ta marca un tempo di 1.07.09 poniendo un PR nobo den menos di 2 luna i asina keda na di 4to lugar batallando cu muchanan di otro pais.
Yeshua i Wyndel ta mira atras un tremendo careda.
Yeshua despues di 1 anja ta haci su comeback riba e distancia aki di 3000m despues di a sufri un lesion.
Mientras Wyndel por bisa cu a haci su debut official riba e distancia aki.
Un cos nos por bisa cu tur 2 atleta ta den tremendo forma aworaki.
Nos Coach Nacional Silvienne Krosendijk ta haciendo un tremendo trabow guiando nos atletanan den nan competencia e weekend aki.
Awe Yeshua y Wyndel lo tin un dia di sosiego pa asina manjan diadomingo nan lo mira accion un biaha mas riba e distancia di 1500m.
Por bisa akinan cu e distancianan aki ta e specialidad di Yeshua i Wyndel cual cu loke nan a bin ta prepara pe.
Pa awetardi lo mira accion nos atleta Eljoenai Wehl riba distancianan di 100m i 200m.
Nos ta desea nos atletanan tur clase di exito.
